Elnur Majidli – Future is What You Do Now…

ARTE Elnur Məcidli haqqında sənədli film çəkib

12/10/2011 at 17:52 3 şərh

Mətbuat üçün açıqlama

Fransada mühacir həyatı yaşayan azərbaycanlı jurnalist Elnur Məcidli haqqında Fransa və Almaniyanın ortaq kanalı ARTE TV tərəfindən sənədli film çəkilib.

Bu yaxınlarda Azərbaycana səfər edən ARTE kanalının əməkdaşları Bakıda jurnalistin ailəsinə qonaq olaraq çəkiliş aparıblar.

Ailənin gündəlik həyat tərziylə maraqlanan xarici jurnalistlər, Elnur Məcidlinin fəaliyyətinə görə onlara edilən təzyiqləri soruşublar.

Çəkiliş zamanı Elnur Məcidlinin parlament seçkilərində iştirakı, mart çağırışlarından sonra atasının və qardaşının işdən çıxarılması, haqqında cinayət işinin başlanması, Azərbaycanın hazırkı vəziyyəti və s. haqqında danışılıb.

Fransa prezidenti Nikola Sarkozinin (Nicolas Sarkozy) səfəri ərəfəsində Bakıya gələn ARTE kanalının çəkiliş qrupu, ictimai sektorda fəal gənclərdən, bloqqerlərdən və bir sıra şəxslərdən də müsahibə götürüblər.

Bakıda başlayan çəkilişlər daha sonra Fransanın paytaxtı Parisdə və Strasburqda davam edib.

Əvvəlcə Parisdə Elnur Məcidlinin yaşadığı Jurnalistlər Evində (La Maison des Journalistes (MDJ))  çəkiliş aparan ARTE kanalının əməkdaşları jurnalistin sürgün həyatını lentə alıblar.

Reportaj janrında aparılan çəkilişlər Avropa Şurası Parlament Assambleyasının (AŞPA)  payız sessiyası boyunca Strasburqda da davam edib.

Elnur Məcidlinin Avropa Şurasında jurnalist fəaliyyətiylə tanış olan ARTE kanalının əməkdaşları, AŞPA rəsmiləriylə görüşlər zamanı da gənc jurnalisti tək buraxmayıb.

Elnur Məcidli haqqında çəkilən bu sənədli filmin ideya müəllifi və aparıcısı, çex əsilli tanınmış fransız jurnalist Vladimir Vasakdır.

Hazırda reportajın yayına hazırlanma prosesi gedir və yaxın günlərdə efirə veriləcək.

Qeyd edək ki, mərkəzi Strasburqda yerləşən ARTE kanalı, Avropa Birliyinin aparıcı kanallarından hesab olunur, Avropanın əksər ölkələrində 14 fərqli dildə yayınlanır.

Entry filed under: Elan, Media. Tags: açıqlama, Almaniya, arte, ata, avropa, avropa birliyi, Avropa Şurası Parlament Assambleyası, avropa şurası, Azərbaycan, azərbaycanlı, AŞPA, çex, Bakı, bloq, bloqqer, cinayət, danış, Elnur Məcidli, fəal, film, fransa, fransız, gənc, həyat, ictimai, ideya, journaliste, jurnalist, jurnalistlər, kanal, kanallar, la maison des journalistes, lent, mart, müəllif, mühacir, müsahibə, MDJ, mətbuat, Nicolas Sarkozy, Nikola Sarkozi, Paris, parlament, proses, qardaş, qrup, sarkozi, sarkozy, sürgün, seçki, sektor, sənəd, sənədli film, strasburq, tv, vəziyyət, Vladimir Vasak, xarici, şəxs.