Elnur Majidli – Future is What You Do Now…

Həmrəylik Günü və Yeni İl

31/12/2009 at 16:04 23 şərh

Başda bütün oxucularım, dostlarım olmaqla Azərbaycan xalqının Həmrəylik Gününü və Yeni İl Bayramını təbrik edirəm.

Bu gün bir ili daha geridə qoyacağıq.

2009-un son günüdü bu gün…

Yeni ilin girməsinə saatlar, dəqiqələr qalıb…

2009-un təhlilini növbəti yazılarda edəcəm, ancaq son günü pozitiv ruhla başa vurmanın tərəfdarıyam.

Yeni ilə daha enerjili, yüksək ruhla girmək arzu ediləndir.

Hər ilin son günü isə eyni zamanda Dünya Azərbaycanlılarının Həmrəylik Günüdür.

Həmrəylik Günü

Bu günün tarixi, 1989-cu il dekabr ayının sonlarında Naxçıvan sərhəddindəki SSRİ hakimiyyətinin çəkdiyi tel məftillərin dağıdılmasına dayanır.

16 dekabr 1991-ci ildə isə, Naxçıvan Muxtar Respublikası Ali Məclisinin sədri olan Heydər Əliyev, 31 dekabrı Dünya Azərbaycanlılarının Həmrəylik Günü elan etdi.

Həmin ildən başlayaraq hər ilin son günü, yeni il bayramıyla yanaşı həmrəylik günü də qeyd olunur.

Heydər Əliyevin həmrəylik gününü təsadüfmü, siyasi qərar və ya tarixi bir hadisə olaraqmı məhz 31 dekabrı elan etməsi barədə dəqiq bir şey deyə bilmərəm.

Ancaq həmrəyliyi ilin son gününə saxlamaq, bəlkə də hər əhəmiyyətli işi sona buraxmağımızın simvolik mənasıdır.

Həmrəylik gününün özü də dünya azərbaycanlılarının həmrəyliyi baxımından simvolik xarakter daşıyır.

Ya da ola bilsin ki, Heydər Əliyev, azərbaycanlıların sadəcə bayramlarda həmrəy olduqlarını düşünərək yeni ilin bayram baxımından çox uyğun olduğunu düşünərək həmin günü seçib.

Məsələn Novruz bayramıyla həmrəylik günü eyni tarixlərdə olsaydı, həmrəyliyin “h”-si belə heç kimin yadına düşməyəcəkdi.

Və yaxud sadəcə süfrə arxasında, toy-bayram məclisində həmrəy olmamalıyıq, çünki əsl həmrəylik fikirdə və əməldə olur.

Yeni İl

Bu yaxınlarda facebookdakı dostlarımın Noel (Christmas) bayramını təbrik edəndə konservativ düşüncələrə sahib bir dostum, məni “Avropa dəyərlərinə uyaraq” bu bayramı qeyd etdiyimi yazmışdı.

Əslində mən həmin günü xüsusi təmtəraqla qeyd etmədim, sadəcə facebookdakı fransız, ingilis, xarici və bu bayramı qeyd edən dostlarımı təbrik etmək üçün mesaj yayınladım.

Əslində bu gün dini gündür, dünyadakı ən böyük dinlərdən biri olan xristianlığın peyğəmbəri Həzrəti İsanın doğum günüdür, başqa bir deyişlə bir peyğəmbərin mövlud günüdür.

Dinlər arası qarşılıqlı dialoq və mədəniyyət paylaşımının olmasının əhəmiyyətli olduğunu düşünən bir insan kimi, xristian qərb dünyasının başqa dinlərə verdiyi əhəmiyyəti, başda ABŞ prezidenti Obama olmaqla, Fransa prezidenti Sarkozi və digər qərb dünyası liderlərinin, rəsmi şəxslərinin, din adamlarının başqa dinlərə mənsub olanların, o cümlədən islam dünyasının, müsəlmanların dini bayramlarını təbrik edirlərsə, iftar süfrəsi açırlarsa eyni həssaslığı, İslam dünyası liderlərinin və o cümlədən bütün dünya müsəlmanlarının da başqa dinlərə sitayiş edən insanlara göstərməsinin vacib olduğunu düşünürəm.

Qeyd etdiyimiz yeni il, bir neçə gün təhrifini saymasaq bir peyğəmbərin ad gününün qeyd olunmasıdır. Bu gün qlobal bayrama çevrilən bu gün, əslində dini boyutları yüksək ruhani bir gündür.

Son olaraq

Hər yeni il, yeni arzu, yeni fikir, yeni həyəcan deməkdir…

Yeni ilin həm Azərbaycan üçün, həm də bütün dünya və insanlıq üçün uğurlu və xeyrli bir il olmasını arzu və ümid edirəm.

Həmrəy olmasaq da olar, təki bildirməyə rəyiniz olsun.

Yeni iliniz və Həmrəylik Gününüzü təkrar təbrik edirəm.

Həmrəy və Yeni Hörmətlə

Entry filed under: Gündəlik. Tags: 16, 1989, 1991, 2009, 31 dekabr, ABŞ, adam, ali, arxa, arzu, avropa, Azərbaycan, azərbaycanlı, azərbaycanlılar, çək, ümid, bayram, bayramlar, baş, böyük, bütün, bəlkə, boyut, bugün, cümlə, christmas, daş, dağ, dünya, Dünya Azərbaycanlıların Həmrəylik Günü, düşüncə, dekabr, demək, dəqiq, dəqiqə, dəyər, dialoq, din, dini, dinlər, dost, dostlar, doğum, Elan, Elnur Majidli, Elnur Məcidli, əhəmiyyət, əməl, əsl, facebook, fikir, fransa, fransız, gün, hadisə, hakimiyyət, haydar aliyev, hörmət, heyder eliyev, Heydər Əliyev, həmrəy, həyəcan, həzrət, iftar, il, ingilis, insan, insanlıq, islam, iş, konservativ, lider, mövlud, müsəlman, mesaj, məclis, mədəniyyət, məftil, məna, mənsub, muxtar, Naxçıvan, Naxçıvan Muxtar Respublikası, Naxçıvan Muxtar Respublikası Ali Məclisi, növbə, noel, obama, oxu, oxucu, peyğəmbər, pozitiv, prezident, qeyd, qərb, qlobal, respublika, rəsmi, rəy, ruh, ruhani, saat, sahib, sarkozi, sarkozy, saxlamaq, süfrə, sədr, sərhəd, simvol, simvolik, sitayiş, son, ssri, tarix, tarixi, tel, təbrik, təhlil, təhrif, tərəf, tərəfdar, təsadüf, toy, USSR, vacib, xalq, xarakter, xarici, xüsusi, xristian, xristianlıq, yad, yayın, yazı, yüksək, yeni, zaman, şey, şəxs, İsa.