Elnur Majidli – Future is What You Do Now…

Plagiat və iki Yazı

28/11/2009 at 02:44 12 şərh

Facebookda son bir ayın ən qızğın mübahisə mövzularından biri də plagiat ilə bağlı idi. İşlərin çoxluğundan müzakirəni gec gördüm, ona görə də ortadan qoşulmaq istəmədim.

Müzakirədə iştirak edən dostlarımın bir qismiylə qısa da olsa öz fikrimi bölüşsəm də, mövzuyla bağlı fikirlərimi daha geniş şəkildə yazmağa qərar verdim.

Öncə məsələnin kökünə və yaxud mübahisənin başına qayıdaq.

İlk öncə “İrəli” İctimai Birliyi, dekabr ayında keçiriləcək bələdiyyə seçkilərinə təşviqatla bağlı hazırladığı e-afişalarda Emin Millinin adıyla bağlı olan “Gələcək Özü Gəlməyəcək” şüarında dəyişiklik edərək “Gələcək Gənclərlə Gələcək” şüarı şəklində yayınlamışdı. Eyni təşviqat kompaniyasında yenə Emin Milli və Adnan Hacızadənin həbsiylə bağlı hazırlanmış afişalarda istifadə olunan “Show Your Support” şüarı da olduğu kimi istifadə olunmuşdu.

Digər mübahisə obyekti isə bələdiyyə seçkilərində namizədliyini irəli sürmüş gənclərdən biri Qeysər Qurbanovun hazırladığı təşviqat videosu idi.

Videoda “OL! ” Gənclər Hərəkatının davamlı istifadə etdiyi yazı formaları, ANın (Alumnu Network) simvolu kiçik bir dəyişikliklə istifadə olunmuşdu və fon musiqi olaraq da “Dalğa” Gənclər Hərəkatının marşı səsləndirilmişdi.

Plagiat

Bu söz məna olaraq xoş qarşılanmaya bilər və yaxud plagiatla məşğul olmaq etik sayılmır.

Burda diqqət etməmiz gərəkən nöqtələr var.

Bu gün bütün dünya plagiatla ayaqda durur. Dünyada müxtəlif sahələrdə gedən inkişaf proseslərinin kökündə də plagiatçılıq var. İbtidai icma dövründən bu günə qədər insanlar, bir-birilərinin etdiklərini yamsılayaraq və həmin yamsıladıqlarını təkmilləşdirərək inkişaf ediblər.

Çinin özü bu gün plagiat senaye hesabına nəinki ayaqda durur, dünyaya meydan oxuyur.  Amerikada bu gün kəşf edilmiş usb-li qoz qıranı bir saat sonra Çində də əldə etmək mümkündür.

Fikrimcə plagiat inkişafın təməl nöqtəsidir.

Eyni mövzulu bütün kitablar, bütün fikirlər arasında bir növ plagiat bağı var. İnsanlar, yazarlar, alimlər, müxtəlif peşə sahibləri bir-birilərinin fikirlərindən, yaradıcılıqlarından, istifadə etdiklərindən təsirlənirlər, gör-götür prinsipi təbii olaraq işləməyə başlayır.

Geyim olsun, texnologiya olsun, ərzaq olsun, heyvandarlıq olsun hər nə olursa olsun, insanlar bir-birilərinin təcrübəsindən istifadə edirlər və istifadə etməyə məcburdular.

Mübahisə mövzuları

Mən düşünürəm ki, İrəli İB bir gənclər təşkilatı olaraq Emin və Adnanın məhkəmə proseslərində məlum səbəblərdən dəstək ola bilmədi, ola bilsin ki, onlar da Emin və Adnana dəstək əlaməti olaraq hazırladıqları e-afişalarda bizim şüarlardan istifadə edərək mətnaltı mesaj vermək istəyiblər.

Məsələn “Gələcək Özü Gəlməyəcək” şüarının devşirmiş forması olan “Gələcək Gənclərlə Gələcək” şüarı

Gələcək Gənclərlə Gələcək deyəndə İrəli İB, əsas diqqəti gəncliyə və həbsdəki bloqqerlərə yönəltmək istəyib. Yəni gənclər bizim gələcəyimizdir, niyə həbs edirsiniz cümləsinə yaxın mətnaltı məna var.

“Show Your Support” şüarını isə olduğu kimi qoyublar, bu da Emin və Adnana verilən açıq dəstəyin bir formasıdır.

Hətta mən “İrəli” İB bu şüarları istifadə etdikdən sonra qorxdum ki, təşkilatı bağlasınlar, yaxşı ki qorxduğum başıma gəlmədi.

Bu şüarlardan istifadəyə plagiat desək belə bizim vermək istədiyimiz mesajı yayır buna görə mən İrəli İB-yə mütəşəkkirəm.

Təqlid etmək, sadəcə təqlid olunanı gücləndirir, markalaşdırır. Təqlidçilər özlərini yox, təqlid etdiklərini bir kult halına gətirərlər, özləri isə unudulurlar.

Qeysər Qurbanovun hazırladığı videoya isə deməyə söz tapmıram yaxşı mənada təbii ki.

Ümummilli plagiat ordeni varsa, bu orden mütləq Qeysərə verilməlidir,yoxdusa belə Qeysərin xətrinə mütləq belə orden hazırlanmalıdır.

Hələ çinliləri demirəm, Qeysər kimi dahi istedaddan xəbər tutsalar bir gündə qoymazlar Azərbaycanda qalsın.

Qeysər Nərimanov bələdiyyəsinə namizədliyini verib, çinlilər onun plagiat mütəxəssisi olduğunu bilsələr Pekinin bələdiyyəsini seçkisiz zadsız verərlər, olmadı, Qeysərin plagiatını istehsal edərlər.

Düşünün

Azərbaycanda bir gənc, bələdiyyə seçkilərində iştirak edir. Müxalif fikirli gənclərin yazı, loqo və marşından istifadə edir!

Hələ bu gəncin iqtidaryönlü bir gənc olduğunu, hakim dairələrlə çox yaxın əlaqələri olduğunu nəzərə alanda bu videonu inqilab adlandırmaq olar.

Mən şəxsən bu videoya şapka çıxartmaq istəyərdim, heyif ki şapkam yoxdu.

Videoda istifadə olunan Dalğa GH-nın marşı sayılan mahnını xüsusiylə vurğulamaq istəyirəm.

Mahnının sözləri              və Qeysərin demək istədikləri

Qəlbimizdə atəş yanır              -           Artıq ədalətsizlikdən bezmişəm

Etiraz var dilimizdə                 -           Hazırkı hakimiyyətdən narazıyam

Yorğun üzlər gülümsəsin      -         Müxalifəti dəstəkləyirəm

Sabah bizim əlimizdə              -         Çox yaxında bu iqtidarın da sonu gələcək.

Elə bu gün, elə indi                 -           Artıq mənim də səbrim qalmayıb

Qaranlığı yara-yara               -           Ölkəmizi rüşvətxor məmurlardan təmizləyək

Yıxaq bütün qorxuları        -            Prezident aparatının altını üstünə gətirək

İşıqlanaq dalğa-dalğa           -          Millət sel olub axsın küçələrə

Dalğa-dalğa demişkən, bu videoyu izləyəndən sonra qorxdum ki, Qeysəri tutub dalğalandırarlar, ancaq yenə də qorxduğum başıma gəlmədi.

Hər halda yazımın bir qismini Qeysərə ayıraraq, onu kifayət qədər reklam edib təşəkkür borcumdan çıxdım. Bələdiyyə seçkilərində də Qeysərə uğur qazanmasını arzu edirəm. Bu Qeysərə etdiyim ən səmimi arzu və onunla bağlı yazdığım ən səmimi cümlədi.

İki yazı

Plagiat mövzusu gözlədiyimdən daha uzun alındı, ancaq bir-iki kəlimədə son günlərdə müzakirə olunan iki yazı haqqında söyləmək istəyirəm.

Yazıları birini eks-kvnşik Anar Məmmədxanlı, digərini ümumilli qərib Azər Qəribov yazıb.

Yazıları yayınlayan isə ölkənin birinci xəbər çatdıranı olmaq istəyən, ancaq ola bilməyən, prezident aparatının mətbuat katibəliyini edən 1nyus saytıdır.

Təbii ki, bizim dostların hər iki yazıya cavab olaraq hazırladıqları məqaləni yayınlamadılar.

Saytın türklər demişkən nə mal olduğu, hansı ideologiyaya qulluq etdiyi ortadadı, ona görə də  saytla bağlı daha çox fikir bildirib sizi yormaq istəmirəm.

Yazılara gəlincə

Əslində Qərib Azərin yazdıqlarını qəribsəmək lazım deyil məncə. Kişi dərviş kimi həyat sürür, o diyar sənin bu diyar mənim gəzib dolaşır, yeyir-içir, özünə görə xoş-firəvan həyat yaşayır, ancaq cır-cındırın içində olduğundan xəbəri yoxdu.

Bir tərəfdən də düşünürəm ki, dərviş Azər də siyasətə baş qoşmağa başlayıbsa ya günəş artıq şərqdən yox qərbdən çıxır ya da qiyamət yaxınlaşır.

Anar Məmmədxanlının yazısına gəlincə, mən düşünürdüm ki, A. Məmmədxanlı deputat olduqdan sonra kvn zarafatlarını buraxıb  daha ciddi işlərlə məşğul olacaq. Lakin sahibi olduğu day.az saytı əlindən alındıqdan sonra deyəsən yenə də zarafat etməklə xal toplamaq istəyir.

Bu  da yazdığı zarafatcıl yazılardan biri idi, ancaq heyif ki,  gülməli alınmayıb.

zarafatcıl hörmətlə

Entry filed under: Gündəlik. Tags: 1news, adnan, Adnan Hacızadə, afişa, al, alim, amerika, AN, Anar Məmmədxanlı, aparat, atəş, Azər Qəribov, çin, çinli, ölkə, ümummilli, bələdiyyə, bloqqer, borc, cavab, cümlə, cındır, dairə, dalğa, Dalğa Gənclər Hərəkatı, day.az, dövr, dünya, dekabr, deputat, dərviş, dəstək, diyar, dost, eks, Elnur Majidli, Elnur Mecidli, Elnur Məcidli, emin, Emin Milli, etik, etiraz, ədalət, ərzaq, facebook, fikir, fon, forma, günəş, geyim, Gələcək Özü Gəlməyəcək, Gələcək Gənclərlə Gələcək, gənc, hakim, hakimiyyət, hörmət, hesab, heyvan, heyvandarlıq, həbs, həyat, ibtidai, icma, ideologiya, iki, inkişaf, inqilab, insan, iqtidar, iqtidaryönlü, irəli, istehsal, katib, kök, küçə, kəlimə, kitab, kişi, kompaniya, kult, kvn, loqo, mahnı, marş, mövzu, mübahisə, mütəşəkkir, müxalif, müxalifət, müzakirə, mesaj, məhkəmə, məmur, məna, məqalə, mətbuat, mətn, millət, milli, musiqi, namizəd, nöqtə, Nərimanov bələdiyyəsi, obyekt, OL! Gənclər Hərəkatı, orden, peşə, plagiat, post, prezident, prezident aparatı, prinsip, proses, Qeysər Qurbanov, qəlb, qərb, qərib, qiyamət, qorxu, qoz, qul, qulluq, rüşvət, rüşvətxor, reklam, sabah, sadə, sahib, sarkazm, sayt, seçki, sel, səbr, səmimi, sənaye, səs, Show Your Support, simvol, siyasət, support, türk, texnologiya, təcrübə, təkmil, təməl, təqlid, təşəkkür, təşkilat, təşviqat, usb, uzun, uğur, Video, vurğu, writer, xal, Xəbər, yazar, yazı, zarafat, şapka, şüar, şəkil, şərq, İrəli İctimai Birliyi.